12px13px15px17px
Tarix:26/12/13

Dünyanın ən böyük “4G” şəbəkəsi Çində qurulacaq


Çin növbəti dəfə öz liderliyini sübut etmək niyyətindədir və dünyanın ən böyük “4G” mobil şəbəkəsini tikməyə hazırlaşır. Onun tikintisi 1 il müddətində başa çatdırılmalıdır.

“ICTnews” elektron xəbər xidməti “infox.ru” saytına istinadən bildirir ki, Çin Xalq Demokratik Respublikası (ÇXR) hakimiyyəti və ölkənin ən böyük mobil rabitə operatoru “China Mobile” deyib ki, 2014-cü ilin sonunda ölkənin 340-dan çox şəhər və yaşayış məskəni dördüncü nəsil mobil şəbəkələri ilə əhatə olunacaq. Çində geniş yayılmış “TD-LTE” tətbiq ediləcək. Şəbəkənin əsasını təşkil edəcək baza stansiyalarının sayı təxminən 500 min olacaq.

ÇXR-də “4G” şəbəkəsi artıq işləyir və ilin sonuna kimi o, ölkənin 16 böyük şəhərini əhatə edəcək. İnkişaf tempi çox sürətli artacaq: yeni ilin birinci yarısında şəhərlərin sayı 100-dək artacaq, üçüncü və dördüncü rübdə bu göstərici 340 olacaq.

TD-LTE – bu, Çində əsas olan dördüncü nəsil mobil şəbəkələri standartıdır. Rəsmi məlumatlara görə, o, 18 ölkədə və dünyanın 23 regionunda tətbiq olunur. Gələn il “TD-LTE” texnologiyasını dəstəkləyən dövlətlərin sayı 63 olacaq. Sözügedən şəbəkələrin abunəçilərinə gəlincə, dekabrın əvvəlində onların sayı 5 milyondan çox olub.

Emil Hüseynov



Baxış sayı: 687

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024