İKT

Tarix:27/12/13

Dünyanın ən nəhəng İT şirkəti ittiham olunur

Tayvan hökuməti ABŞ-ın “Apple” şirkətini mağazalarında “iPhone” smartfon modellərinin satılması ilə məşğul olan yerli mobil rabitə operatorlarına təzyiq göstərdiyinə görə 20 milyon Tayvan dolları məbləğində (təxminən 666 min dollar) cərimə edib. Belə ki, ABŞ şirkəti müqavilələrin imzalanması zamanı müəyyən şərtlərə riayət etməyi tələb etməklə rəqiblərdən aşağı qiymətin təyin edilməsini qadağan edib.

Gələcəkdə “Apple”ın mobil rabitə operatorlarının işinə müdaxiləni davam etdirəcəyi təqdirdə cərimənin məbləğinin iki dəfədən çox artırılacağı gözlənilir.

Qiymətlərin tənzimlənməsi ilə bağlı məlumat operatorlar və ABŞ istehsalçısı arasında aparılan elektron yazışmalardan məlum olub. “Apple” bu məsələ ilə bağlı hələ ki münasibət bildirməyib, - "Onliner www.onliner.by” yazır.

Baxış sayı: 687