İNTERNET

Tarix:28/12/13

Bu gün "Linux" əməliyyat sisteminin yaradıcısının anadan olduğu gündür

1969-cu il dekabrın 28-də Finlandiyada "Linux" əməliyyat sisteminin (ƏS) yaradıcısı Linus Torvalds anadan olub. 12 yaşında proqramlaşdırma ilə maraqlanmağa başlayıb: belə ki, o zaman babası onu riyazi hesablamalar üçün nəzərdə tutulmuş kompüterlə tanış etmişdi. Bundan sonra Torvalds jurnallar oxumağa, öz proqramlarını yaratmağı öyrənməyə başladı. Daha sonra o, Helsinki Universitetinin informatika fakültəsinə daxil olur.

Günlərin bir günü əlinə düşən kitabda kompüter sistemləri tərtibatçısı Endrü Tanenbaum "Minix" ƏS-ni yazmaq haqqında danışırdı. Torvalds kitabda bir neçə çatışmazlıq aşkar edir və bu barədə "Minix" yaradıcılarına bildirərək öz sistemini yaratmaq qərarına gəlir.

1991-ci il sentyabrın 17-də Torvalds "Linux" ƏS-nin mənbə kodunu internetdə yerləşdirmişdi. Endrü Tanenbaumun sistem haqqında mənfi rəy verməsinə baxmayaraq, o, böyük marağa səbəb oldu və sürətlə populyarlaşdı.

2003-cü ildən etibarən Torvalds hazırda " The Linux Foundation" adlanan "Open Source Development Labs" qeyri-kommersiya təşkilatında çalışır.

Emil Hüseynov

Baxış sayı: 784