12px13px15px17px
Tarix:28/12/13

Məlumat Hesablama Mərkəzi “Over-The-Top” texnologiyası üzərindən xidmətlər göstərəcək


Azərbaycan Rabitə və İnformasiya Texnologiyaları Nazirliyinin Məlumat Hesablama Mərkəzi "Over-The-Top (OTT)" texnologiyası üzərindən yeni internet televiziya xidmətini istifadəyə verməyə hazırlaşır.
MHM-dən "ICTnews" xəbər xidmətinə verilən məlumata əsasən, yeni xidmət "www.ott.az" saytı üzərindən gələn il yanvarın 15-dən etibarən istifadəyə veriləcək.

"İlkin mərhələdə yeni texnologiya vasitəsilə 44 televiziya kanalına baxmaq mümkün olacaq, gələcəkdə isə kanalların sayının artırılması gözlənilir. Xidmətin tarifi 6 manat təşkil edəcək və ödənişi internet üzərindən, ödəniş terminalları vasitəsilə  həyata keçirmək mümkün olacaq",- deyə MHM-dən bildiriblər.
Qeyd edək ki, "OTT" texnologiyası istifadəçiyə dünyanın istənilən provayder şəbəkəsində keyfiyyətli çoxkanallı televiziya xidmətlərini göstərməyə imkan verir. Bu xidmətlərdən istənilən qurğudan istifadə etmək mümkündür, istər televizor olsun, istərsə də smartfon, kompüter, planşet və s.

Aynur Vəliyeva
 



Baxış sayı: 627

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020