12px13px15px17px
Tarix:10/01/14

Mərkəzləşdirilmiş, Avtomatlaşdırılmış Radiomonitorinq Şəbəkəsinin Sahil məntəqəsində avadanlıqlar quraşdırılır

Azərbaycanın Mərkəzləşdirilmiş, Avtomatlaşdırılmış Radiomonitorinq Şəbəkəsinin Sahil məntəqəsi üçün nəzərdə tutulmuş avadanlıqlar ölkəyə gətirilib və quraşdırılmasına başlanılıb.

Rabitə və İnformasiya Texnologiyaları Nazirliyinin Dövlət Radiotezliklər İdarəsindən "ICTnews" xəbər xidmətinə verilən məlumata əsasən, layihə mərhələli şəkildə həyata keçirilir və ötən il ərzində şəbəkənin Bakı və Abşeron hissəsi üzrə 2 stasionar, 1 mobil və 1 idarəetmə mərkəzi yaradılaraq istifadəyə verilib.

"Növbəti mərhələ çərçivəsində bu il ərzində Sahil radiomonitorinq məntəqəsində daha bir stasionar monitorinq stansiya quraşdırılacaq", - deyə DRİ-də bildiriblər.

Layihənin həyata keçirilməsində "Sinam" şirkəti, Azərbaycan Rabitə və İnformasiya Texnologiyaları Nazirliyi, Dövlət Radiotezliklər İdarəsi, "Test Solutions"in nümayəndələri iştirak edirlər. Layihənin Bakı və Abşeron seqmentinin yaradılması üçün dövlət büdcəsindən 17 milyon manat ayrılıb.

Monitorinq şəbəkəsinin yaradılması layihəsi çərçivəsində Yeni Günəşlidə, Mehdiabadda və Gəncədə yerləşən üç mərkəzləşdirilmiş radiomonitorinq sistemi məntəqəsindən istifadə edilir.

Aynur Vəliyeva
 



Baxış sayı: 522

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 May 2020

25 05 2020