İKT

Tarix:21/01/14

Riyaziyyat və Mexanika İnstitutu və Milli Aerokosmik Agentliyi arasında əməkdaşlıq protokolu imzalanıb

Azərbaycan Milli Elmlər Akademiyasının Riyaziyyat və Mexanika İnstitutunda Azərbaycan Müdafiə Sənayesi Nazirliyinin nəzdində fəaliyyət göstərən Milli Aerokosmik Agentliyinin əməkdaşları ilə görüş keçirilib.

AMEA-dan “ICTnews” xəbər xidmətinə verilən məlumata əsasən, tədbirdə elmi əməkdaşlığın ölkənin müdafiə sənayesinin inkişafına töhfə verəcəyi bildirilib. Qeyd edilib ki, əməkdaşların bu sahə üzrə birgə fəaliyyətləri həm elmin, həm də müdafiə sənayesinin inkişafına təkan verəcək, eyni zamanda agentliyin əməkdaşları tədqiqat işlərini institutun elmi jurnalında çap etdirə biləcəklər.

Milli Aerokosmik Agentliyinin direktoru Alçın Şirinzadə Azərbaycanda ilk dəfə keçiriləcək Ümumdünya sərgisinə hazırlıq işlərindən söz açıb. Sonda tərəflər arasında əməkdaşlıq protokolu imzalanıb.

Aynur Vəliyeva

Baxış sayı: 702