12px13px15px17px
Tarix:28/01/14

Daşınmaz əmlaka dair yüklülük arayışlarının real vaxt rejimində verilməsi ilə bağlı elektron xidmət yaradılır

Yaxın zamanda Əmlak Məsələləri Dövlət Komitəsi (ƏMDK) tərəfindən daşınmaz əmlaka dair yüklülük arayışlarının (Forma-1) notariuslara real vaxt rejimində (onlayn) verilməsi elektron xidməti cəmiyyətin istifadəsinə təqdim ediləcək.
 
“ICTnews.az” bildirir ki, bu barədə adıçəkilən komitənin sədi Kərəm Həsənov məlumat verib.
 
 Komitə sədri bildirib ki,  ölkə vətəndaşları əmlakın hüquqi vəziyyəti ilə bağlı bu arayışları 2014-cü ilin əvvəlindən onlayn qaydada əldə edəcəklər.
 
“Arayışların “onlayn” rejimdə verilməsi məmur-vətəndaş ünsiyyətinin aradan qalxmasına, vaxta böyük qənaət olunmasına, bununla da vətəndaşların bu xidmətdən optimal faydalanmasına gətirib çıxaracaq. Hazırda bu mexanizmin tətbiqi ilə bağlı hazırlıq işləri yekunlaşmaq üzrədir. 2014-cü ildə komitə tərəfindən daha 10 elektron xidmətin təşkili və istifadəyə verilməsi nəzərdə tutulur. Əsas hədəf vətəndaşlara göstərilən xidmətin keyfiyyətini yüksəltmək, bu sahədə şəffaflıq və çevikliyi daha da artırmaqdır” – deyə komitə sədri qeyd edib.
 
Seymur Qasımbəyli
 



Baxış sayı: 1162

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024