12px13px15px17px
Tarix:29/01/14

Yüksək Texnologiyalar Parkının Biznes İnkubasiya Mərkəzinə müraciətlərin qəbuluna başlanılıb

Rabitə və İnformasiya Texnologiyaları Nazirliyinin (RİTN) tabeliyində yaradılan Yüksək Texnologiyalar Parkının ilk layihələrindən biri olan Biznes İnkubasiya Mərkəzinə müraciətlərin qəbuluna başlanılıb. Bu barədə "ICTnews" elektron xəbər xidmətinə  YTP-nin direktoru Seymur Ağayev məlumat verib. O bildirib ki, artıq bir neçə gündür ki, müraciətlər qəbul olunur və sözügedən mərkəzə böyük maraq var.
 
 
Qeyd edək ki, Azərbaycan vətəndaşları YT Parkın Biznes İnkubasiya Mərkəzindən yararlanaraq öz texnologiya yönümlü firmalarının formalaşdırılmasını sürətləndirə, innovativ layihələrə dövlət tərəfindən göstərilən dəstəkdən səmərəli istifadə edə və yararlana bilərlər.
 
 
Müraciətlər " www.picampus.az "  adresindən qəbul edilir. Sayta daxil olunduqdan sonra müraciət üçün ayrılmış səhifəni (http://www.picampus.az/application/form.php?id=1) seçmək lazımdır.
 
 Açılan səhifədə layihənin adı, müraciət edənin rolu, adı, soyadı, e-mail ünvanı və digər əlaqə vasitələri, "Nə üçün fəaliyyətini Yüksək Texnologiyalar Parkı - "PI Campus" Biznes İnkubasiya Mərkəzində davam elətdirmək istədiyini, layihənin qısa məzmunu, icra vəziyyəti, innovasiya və texniki yeniliyi, biznes modelini, layihə üzvlərinin sayı, eləcə də büdcəsi qeyd olunmalıdır.
 
 
Bundan sonra edilən müraciətə Yüksək Texnologiyalar Parkının ilk layihələrindən biri olan Biznes İnkubasiya Mərkəzi tərəfindən baxılacaq və müvafiq qərar veriləcək.
 
 
Seymur Qasımbəyli



Baxış sayı: 1421

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024