İNTERNET

Tarix:29/01/14

Azərbaycanda qeydiyyatdan keçirilən dövlət qurumlarının domenlərinin sayı 6,5% artıb

Azərbaycan Respublikası dövlət orqanlarının "www.gov.az" rəsmi internet resursunda bu günədək 413 "*.gov.az" domeni qeydiyyata alınıb.

"ICTnews" xəbər xidmətinin “www.gov.az” saytına istinadən verdiyi məlumata əsasən, 2013-cü il ərzində 27 dövlət orqanına aid olan domen qeydiyyatdan keçib.
Beləliklə, son bir ildə ölkədə dövlət qurumlarına aid olan domenlərin sayında 6,5% artım müşahidə olunub.

Son yarım il ərzində 7 dövlət qurumu domeni qeydiyyatdan keçirilib. Bu domenlər arasında Azərbaycan Respublikası Ədliyyə Nazirliyinin “qht.gov.az”, Azərbaycan Respublikasının Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin “statecontrol.gov.az”, Azərbaycan Respublikasının Məcburi Köçkünlərinin Sosial İnkişaf Fondunun “sfdi.gov.az”, Azərbaycan Respublikası Qiymətli Kağızlar üzrə Dövlət Komitəsinin “cmtc.gov.az”, Azərbaycan Respublikası İqtisadi İnkişaf Nazirliyinin Bakı Biznes Tədris Mərkəzinin “bbtc.gov.az”, Azərbaycan Respublikasının Prezidenti yanında Gənclər Fondunun “azgf.gov.az”, Azərbaycan Respublikası Rabitə və İnformasiya Texnologiyaları Nazirliyinin Tabeliyində İnformasiya Texnologiyalarının İnkişafı Dövlət Fondunun “ictfund.gov.az” domenlərini qeyd etmək olar.

Aynur Vəliyeva

Baxış sayı: 1028