İKT

Tarix:07/02/14

Korporativ mühitdə kompüter xidmətlərinin keyfiyyətinin yüksəldilməsi ilə bağlı alqoritmlər işləniləcək

Azərbaycan Milli Elmlər Akademiyasının İnformasiya Texnologiyaları İnstitutu bu il elmi tədqiqat işləri çərçivəsində korporativ mühitdə kompüter xidmətlərinin keyfiyyətinin yüksəldilməsi, metod və alqoritmlərin işlənməsini nəzərdə tutur.

İnstitutdan “ICTnews” xəbər xidmətinə verilən məlumata əsasən, AMEA-nın institut və təşkilatlarına məxsus fərdi kompüterlərdə təmir-sazlama və onların texniki imkanlarının artırılması, AMEA-nın Rəyasət Heyətinin lokal kompüter şəbəkəsinə texniki və proqram təminatı xidmətlərinin yerinə yetirilməsi, həmçinin akademiyanın institut və təşkilatlarının infrastrukturunun yenilənməsi və təkmilləşdirilməsi ilə bağlı işlər görüləcək.

AMEA RH Mərkəzi Aparatı və əsas binada konfrans və iclasların müşayiət olunması, İnternet üzərindən yayımın təmin olunması və s. işlərin görülməsi bu il də fəaliyyət planına daxil edilib.

Aynur Vəliyeva

Baxış sayı: 668