NRYTN

Tarix:08/02/14

Nazir Əli Abbasov: “İKT ili bir neçə tarixi hadisə ilə yadda qaldı”

"Azərbaycan Respublikasının Prezidenti İlham Əliyev tərəfindən elan edilən "İnformasiya-kommunikasiya texnologiyaları ili"ni son 10 ilin ən uğurlu ili hesab etmək olar". Bu fikirləri rabitə və informasiya texnologiyaları naziri Əli Abbasov jurnalistlərə verdiyi açıqlamasında söyləyib. Nazir bildirib ki, 2013-cü il tarixdə Azərbaycanın kosmik ölkələr sırasına qoşulması kimi yadda qaldı:

"Ölkəmizin ilk süni peyki orbitə çıxarıldı. Sonra rəqəmli infrastrukturun, internetin inkişafında xeyli irəliləyişlər əldə olundu. "İKT ili" mobil telefon şəbəkələrinin inkişafı, "4G" texnologiyasının tətbiq olunması, həmçinin genişzolaqlı internetin daha da inkişafı istiqamətində əldə edilən uğurlarla yadda qaldı. 2013-cü ildə Azərbaycan hökumətinin təşəbbüskarı olduğu "Trans-Avrasiya Super İnformasiya Magistralı" layihəsi üzrə 5 böyük regional operator memorandum imzaladı".

Nazir həmçinin bildirib ki, ötən il analoq efir və teleqrafla vidalaşma baxımından da yadda qaldı. "Hesab edirik ki, 2013-cü il bizim üçün çox uğurlu oldu. Bu uğurlara görə rabitə və informasiya-kommunikasiya texnologiyaları sahəsində çalışan əməkdaşlar adından Azərbaycan Respublikasının prezidenti, cənab İlham Əliyevə öz minnətdarlığımızı bildiririk. Bundan sonra isə bizi qarşıda böyük işlər gözləyir".

Seymur Qasımbəyli

Baxış sayı: 1339