İNTERNET

Tarix:13/02/14

Avropa Komissiyası “ICANN”-dan səlahiyyətlərin bir qismini almağı tələb edir

Avropa İttifaqı (Aİ) hakimiyyəti “ICANN” (internetdə domen adları və zonaların verilməsini həyata keçirən təşkilat - Internet Corporation for Assigned Names and Numbers) korporasiyasının domen adlarının verilməsi və internet üzərində nəzarət sahəsində inhisarçılığın aradan qaldırılmasına yönələn təkliflər siyahısını tərtib edib.

Bu barədə “Twitter” səhifəsində Aİ-nin rəqəmli proqramlar üzrə səlahiyyətli nümayəndəsi Neeli Krus məlumat verib.

Brüssel tərəfindən hazırlanan təkliflərin tam mətni Aİ-nin rəsmi saytında dərc edilib.

Sənədin əsas müddəalarından biri “ICANN” üçün dəqiq və aydın qloballaşma qrafikini hazırlamaq tələbidir. Aİ nümayəndələri qloballaşma dedikdə, “ICANN”-ın səlahiyyətlərinin internetin inkişafında iştirak edən bütün ölkə və təşkilatlar arasında ədalətli bölüşdürülməsini başa düşürlər. Xüsusilə burada söhbət Avropa hakimiyyətinə mövcud yüksəksəviyyəli domen adlarının bir qisminə nəzarət, eləcə də bir qisim yeni domen zonalarının verilməsi hüququndan gedir.

Avropa Komissiyası nümayəndələrinin fikrincə, internetin idarə edilməsi ABŞ-da yerləşən yeganə təşkilatdan asılı olmamalıdır. “İnternetin senzuraya, kütləvi nəzarətə ehtiyacı yoxdur. İnternetə onun bütün iştirakçılarını bərabərləşdirən dəqiqi qaydalar və ümumi balanslaşdırılmış səlahiyyət lazımdır”, - Avropa Komissiyasında qeyd edilib, - “Lenta www.lenta.ru” yazır.

Baxış sayı: 730