İKT

Tarix:14/02/14

Belarusla informasiya-kommunikasiya texnologiyaları sahəsində əməkdaşlıq müzakirə olunub

Belarusun Azərbaycandakı səfirliyinin nümayəndələri Sumqayıt Texnologiya Parkında olub.

Belarus və Azərbaycan mütəxəssislərinin informasiya-kommunikasiya texnologiyaları sahəsində əməkdaşlığının mümkünlüyü ilə əlaqədar fikir mübadiləsi aparılıb. Diplomatlar Texnoparkın rəhbərliyi ilə görüşüb. Görüşdə Belarusda istehsal olunan avtomobil texnikası üçün detalların və komplektləşdiricilərin birgə kooperasiya istehsalının yaradılması üzrə əməkdaşlığın perspektivləri müzakirə edilib.
Bundan başqa Belarusun və Azərbaycanın dəmiryolu nəqliyyatı üçün yük vaqonları istehsalçıları arasında əlaqələrin qurulması məsələlərinə baxılıb.

Belaruslu diplomatlar Texnoparkın ərazisindəki ağır maşınqayırma zavodunda və kommunikasiya sistemlərinin yaradılması üzrə laboratoriyada olublar.

RƏVAN

Baxış sayı: 684