12px13px15px17px
Tarix:22/02/14

Milyondan artıq çanaq antenası “Azerspace-1” peykinə tuşlanıb

Azərbaycanın milli telekommunikasiya peyki orbitə çıxarılmamışdan əvvəl ölkə əhalisinin bir qismi çanaq antenalarını Türkiyə, Rusiya və eləcə də Avropa ölkələrinin peyklərinə tuşlayaraq onların yayımladığı telekanallara baxırdılar. Amma 2013-cü ildə ilk telekommunikasiya peykimiz fəaliyyətə başladıqdan sonra bu sahədəki vəziyyət müsbətə doğru dəyişməkdədir.
 
 
“Azərspace”də yayımlanan kanalların sayının günü-gündən çoxalması və yayımın keyfiyyətli şəkildə əhaliyə çatdırılması ona olan marağı artırıb. Elə bu səbəbdəndir ki, hazırda əhali çanaq antenalarını əvvəllər tuşladıqları istiqamətlərdən ayıraraq milli peykimizə doğru yönəltməkdədir.
 
 
“Bəs telekommunikasiya peykinə tuşlanan çanaq antenalarının sayını müəyyənləşdirmək mümkündürmü?” "ICTnews" elektron xəbər xidməti bu suallarla  "Azərkosmos" ASC-yə müraciət edib. "Azərkosmos"dan bildirilib ki, belə bir monitorinq aparmaq nəzəri cəhətdən mümkündür, lakin bu, kabel operatorlarının və ya “DTH (Direct-to-Home)” operatorların təşəbbüsü ilə olmalıdır:
 
“Hər hansı bir peykin populyarlıq səviyyəsinin ölçülməsi məqsədilə bir neçə üsul tətbiq edilir. Bunlardan ən geniş yayılmışı “peoplemeter” adlanan cihazlarla aparılan ölçmələr üsuludur. Bu cihaz televizora qoşulur və onun vasitəsilə baxılan kanalların auditoriyası və mənbəyi barədə məlumatlar alınır. Belə ölçmə və təhlillər bir qayda olaraq marketinq araşdırmaları sahəsində ixtisaslaşan şirkətlər tərəfindən həyata keçirilir”.
 
Milli telekommunikasiya peykimiz vasitəsilə yayımlanan telekanallara baxanların sayı artıb: “Təqribi hesablamalara görə, təkcə Azərbaycanda bu gün bir milyondan artıq çanaq antenası “Azerspace-1” peykinə tuşlanmışdır”.
 
Hazırda “Azərspace-1” peyki üzərindən 60-dan çox yerli və xarici televiziya və radio kanalı yayımlanır: “Əhali bu kanalları tam ödənişsiz olaraq izləyə bilərlər. Bunların 51-i televiziya, 13-ü isə radio kanalıdır”.
 
 
Qeyd edək bir müddət öncə Azərbaycan mətbuatında Ukraynanın bir neçə TV kanalını “Azərspace” üzərindən yayımlamaq niyyətində olması ilə bağlı informasiyalar yayılmışdı. "Azərkosmos"dan sözügedən məlumatlarla bağlı da rəsmi mövqe açıqlanıb: “Hazırda Ukraynanın bir kanalı “Azerspace-1” peyki vasitəsilə yayımlanır”.
 
Seymur Qasımbəyli



Baxış sayı: 1091

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Avqust 2019

26/08/19
"Google Photo" indi şəkillərdə mətnlər üzrə axtarış edə bilir

"Google Photo" servisində istənilən şəkildə mətnləri axtarmağa imkan verən (OCR) simvollarının optik tanı

26/08/19
Şamaxıda keçiriləcək “İnnocamp” innovasiya yay düşərgəsinə hazırlıqlar başlayıb

Nəqliyyat, Rabitə və Yüksək Texnologiyalar Nazirliyi, Heydər Əliyev Fondunun “Regional İnkişaf” İctimai Birliyi, 

26/08/19
HP şirkətinin baş direktoru dəyişib

Dion Vaysler ailə vəziyyəti ilə əlaqədar HP şirkətinin baş direktoru vəzifəsini tərk etmək qərarına gəlib.

26/08/19
“ANYmal” robotunun kommersiya versiyası təqdim olunub (VİDEO)

İsveçrənin “ANYbotics” şirkəti kommersiya istifadəsi üçün hazır dördayaqlı “ANYmal” robotun

26/08/19
“Apple” qurğularının istifadəçiləri yeni fişinq hücumu təhlükəsi ilə üzləşiblər

“Apple” qurğularının istifadəçilərinə qarşı yeni fişinq hücumu aşkarlanıb. Hakerlər tərəfindən göndərilmi

25 08 2019