İKT

Tarix:05/03/14

2013-cü ildə fərdi kompüter bazarının həcmi azalıb

“IDC” şirkətinin məlumatına əsasən, ötən il qlobal fərdi kompüter tədarüklərinin həcmi 9,8 faiz azalıb, halbuki 2014-cü ildə nəzərəçarpacaq dərəcədə azalma gözlənilir.

“ICTnews” elektron xəbər xidməti “cybersecurity.ru” saytına istinadən bildirir ki, analitik şirkətin qiymətləndirməsinə əsasən, 2013-cü ildə qlobal fərdi kompüter tədarüklərinin həcmi 315,1 milyon olub. “IDC”-dən məlumat verilib ki, dördüncü rübdə fərdi kompüterlərin tədarük həcmi gözləntilərdən yaxşı olub, hərçənd ki inkişaf etməkdə olan bazarlar üzrə proqnoz başqa qurğuların FK-yə təzyiqi, iqtisadi vəziyyətin pisləşməsi fonunda azalıb.

Şirkətin məlumatına əsasən, bu il sözügedən bazarın həcmi 6,1% azalaraq təxminən 295,6 milyon olacaq.

Emil Hüseynov

Baxış sayı: 650