İKT

Tarix:11/03/14

Texniki Universitetdə elektron təhsil sisteminin tətbiqinə başlanılıb

Azərbaycan Texniki Universitetində (AzTU) “Elektron təhsil sisteminin yaradılması” layihəsi başa çatdırılıb və onun tətbiqinə başlanılıb.

AzTU-dan verilən məlumata görə, sözügedən layihə Koreya Beynəlxalq Əməkdaşlıq Agentliyinin (KOİCA) mütəxəssisləri və universitetin nümayəndələri ilə birlikdə işlənib hazırlanıb.

Layihənin başa çatdırılması münasibətilə keçirilən tədbirdə universitetin Beynəlxalq əlaqələr üzrə prorektoru, professor Mustafa Babanlı elektron təhsil sisteminin əhəmiyyəti və üstünlükləri barədə ətraflı məlumat verib.

Toplantıda elektron təhsil sisteminə daxil olmaq və zəruri məlumatları almaq qaydaları barədə tələbələrə ətraflı məlumat verilib.
Bununla yanaşı, elektron təhsil sistemindən düzgün istifadə olunması qaydaları barədə tələbələrin sualları cavablandırılıb.

Qeyd edək ki, bu sistem təhsilin səmərəsini yüksəltməyə, tədris prosesində şəffaflığın təmin olunmasına, tələbələrin dərsə davamiyyətinə nəzarəti gücləndirməyə, ümumiyyətlə neqativ halların aradan qaldırılmasına kömək edəcək. Tələbələr onların hər birinə aid kodlar vasitəsilə sistemə daxil olaraq təhsil prosesi ilə bağlı bütün göstəricilər barədə məlumat əldə edə biləcəklər.

CAHANGİR

Baxış sayı: 768