12px13px15px17px
Tarix:14/03/14

RYTN-in Aparat İşçiləri Həmkarlar İttifaqına sədr seçildi

Bu gün Rabitə və Yüksək Texnologiyalar Nazirliyinin (RYTN)   Aparat İşçiləri Həmkarlar İttifaqı Komitəsinin (AİHİK) sayca IV hesabat-seçki yığıncağı keçirilib. Hesabat AİHİK-in 05 mart 2012-ci il tarixindən 14 mart 2014-cü il tarixinədək  olan fəaliyyət dövrünü əhatə edib.
 
 
    Yığıncağı giriş sözü ilə Rabitə və yüksək texnologiyalar nazirinin müavini İltimas Məmmədov açaraq, Azərbaycan Respublikasının Prezidenti cənab İlham Əliyevin Sərəncamı ilə yaradılmış Azərbaycan Respublikasının Rabitə və Yüksək Texnologiyalar  Nazirliyinin ölkədə informasiya texnologiyaları, rabitə, milli informasiya təhlükəsizliyi, innovativ texnologiyaların tətbiqi,  İKT sənayesinin qabaqcıl modellərinin hazırlanması və digər mühüm iqtisadi layihələrin reallaşmasına nəzarət və icra edən əsas mərkəzi struktur olacağını bildirib.
 
 O, həmçinin qeyd edib  ki, RYTN ölkənin gələcək innovativ inkişaf proqramına mühüm töhfə vermək məqsədilə ən genişmasştablı layihələrin həyata keçirilməsində innovativ  idarəetmə aparatı rolunu oynayacaq. Bundan başqa, nazir müavini qarşıda duran vəzifələr barədə ətraflı məlumat verib.
 
      Sonra AİHİK-in sədri Şirzad İsmayılovun və AİHİK-in Təftiş Komissiyasının sədri İlham Mərdanovun hesabatları dinlənilib və AİHİK-in hesabat dövründə gördüyü işlər qənaətbəxş hesab edilib.
 
      Sonda səsvermə yolu ilə Şirzad İsmayılov yekdilliklə AİHİK-in sədri və İlham Mərdanov AİHİK-in Təftiş Komissiyasının sədri seçilib.
 



Baxış sayı: 967

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024