12px13px15px17px
Tarix:18/03/14

Rabitə və Yüksək Texnologiyalar Nazirliyinin yaradılması ilə bağlı bir sıra məsələlərin tənzimlənməsinə dair əmr imzalanıb

Məlum olduğu kimi, Azərbaycanda dövlət idarəetmə strukturunun təkmilləşdirilməsi məqsədilə “Azərbaycan Respublikasının Rabitə və Yüksək Texnologiyalar Nazirliyinin yaradılması haqqında” Azərbaycan Prezidentinin 2014-cü il 7 mart tarixli 326 nömrəli Sərəncamına əsasən, Rabitə və İnformasiya Texnologiyaları Nazirliyi əsasında Rabitə və Yüksək Texnologiyalar Nazirliyi yaradılıb.
 
Rabitə və yüksək texnologiyalar naziri Əli Abbasov Azərbaycan Rabitə və Yüksək Texnologiyalar Nazirliyinin (RYTN) yaradılmasından irəli gələn bir sıra məsələlərin tənzimlənməsi haqqında əmr imzalayıb.
 
Əmrə əsasən, Azərbaycan Respublikasının Rabitə və Yüksək Texnologiyalar Nazirliyi haqqında Əsasnamə, onun strukturu, işçilərin say həddi və ştat cədvəli təsdiq edilənədək AR Rabitə və İnformasiya Texnologiyaları Nazirliyi strukturunun və strukturuna daxil olmayan tabeliyindəki qurumların fəaliyyəti əvvəlki qaydada davam etdiriləcək.
 
Rabitə və İnformasiya Texnologiyaları Nazirliyi əsasında Rabitə və Yüksək Texnologiyalar Nazirliyinin yaradılması ilə əlaqədar Komissiya yaradılacaq.
 
Komissiyanın sədri rabitə və yüksək texnologiyalar naziri Əli Abbasov, Komissiyanın üzvləri Rabitə və İnformasiya Texnologiyaları Nazirliyi Aparatının rəhbəri – Komissiyanın sədr müavini Vidadi Zeynalov, RİTN-in Hüquq və kadrlar şöbəsinin müdiri Bəxtiyar Məmmədov, RİTN-in Məxfi şöbəsinin müdiri Təranə Səfərova, RİTN-in Maliyyə, uçot və iqtisadi təhlil şöbəsinin müdiri Mətanət Məmmədova, RİTN-in İnformasiya cəmiyyəti şöbəsinin müdiri İsbəndiyar Əliyev, RİTN-in Beynəlxalq əlaqələr və qeyri-dövlət qurumları ilə iş şöbəsinin müdiri Ayaz Bayramov və RİTN-in Ümumi şöbəsinin müdiri İsgəndər Tağıyev müəyyən olunub.
 
Komissiyaya 3 ay müddətində Rabitə və İnformasiya Texnologiyalar Nazirliyinin fəaliyyəti ilə bağlı bütün sənədlərin (o cümlədən arxiv sənədlərinin) və mühasibat balansının bütün uçot registrləri üzrə inventarizasiya aparmaqla, təhvil-təslim işlərinin həyata keçirilməsi və nəticələrinə dair tərtib olunmuş akt əsasında Rabitə və Yüksək Texnologiyalar Nazirliyinə təhvil verilməsini, Rabitə və Yüksək Texnologiyalar Nazirliyinin yaradılması barədə Rabitə və İnformasiya Texnologiyaları Nazirliyi tərəfindən debitor və kreditor təşkilatlara yazılı bildirişlərin göndərilməsini, kreditor təşkilatlar tərəfindən irəli sürüləcək tələblərlə bağlı qanunvericiliyə uyğun tədbirlərin görülməsini və bu əmrdən irəli gələn digər məsələlərin həll edilməsini təmin etmək tapşırılıb.
 
Bundan əlavə, əmrdə Rabitə və İnformasiya Texnologiyaları Nazirliyi strukturunun və strukturuna daxil olmayan tabeliyindəki qurumların rəhbərlərinə Azərbaycan Respublikası Prezidentinin aktlarının Prezidentin 2014-cü il, 7 mart tarixli 326 nömrəli Sərəncamına uyğunlaşdırılmasına dair təklifləri 20 gün müddətində, Azərbaycan Nazirlər Kabinetinin və Rabitə və İnformasiya Texnologiyaları Nazirliyinin normativ hüquqi aktlarının həmin Sərəncama uyğunlaşdırılmasına dair təklifləri 1 ay müddətində RYTN-in Hüquq və kadrlar şöbəsinə təqdim etmələri tapşırılıb.
 
Qeyd edək ki, sözügedən əmrin icrasına nəzarəti nazir Əli Abbasov həyata keçirəcək.
 




Baxış sayı: 711

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






26 Avqust 2019

26/08/19
"Google Photo" indi şəkillərdə mətnlər üzrə axtarış edə bilir

"Google Photo" servisində istənilən şəkildə mətnləri axtarmağa imkan verən (OCR) simvollarının optik tanı

26/08/19
Şamaxıda keçiriləcək “İnnocamp” innovasiya yay düşərgəsinə hazırlıqlar başlayıb

Nəqliyyat, Rabitə və Yüksək Texnologiyalar Nazirliyi, Heydər Əliyev Fondunun “Regional İnkişaf” İctimai Birliyi, 

26/08/19
HP şirkətinin baş direktoru dəyişib

Dion Vaysler ailə vəziyyəti ilə əlaqədar HP şirkətinin baş direktoru vəzifəsini tərk etmək qərarına gəlib.

26/08/19
“ANYmal” robotunun kommersiya versiyası təqdim olunub (VİDEO)

İsveçrənin “ANYbotics” şirkəti kommersiya istifadəsi üçün hazır dördayaqlı “ANYmal” robotun

26/08/19
“Apple” qurğularının istifadəçiləri yeni fişinq hücumu təhlükəsi ilə üzləşiblər

“Apple” qurğularının istifadəçilərinə qarşı yeni fişinq hücumu aşkarlanıb. Hakerlər tərəfindən göndərilmi

25 08 2019