İKT

Tarix:31/03/14

Hərbçilərimiz kompüter dəstəkli təlimlərə qatılacaq

Azərbaycan hərbçiləri kompüter dəstəkli təlimlərdə iştirak edəcək.

Bu barədə “ICTnews” elektron xəbər xidmətinə Müdafiə Nazirliyindən məlumat verilib. Məlumatda qeyd edilir ki, Azərbaycan-ABŞ ikitərəfli iş planına əsasən martın 31-dən aprelin 4-dək Dublin (İrlandiya), Belqrad (Serbiya) və Stokholm (İsveç) şəhərlərində "Viking-14" kompüter dəstəkli komanda qərargah təlimi keçiriləcək.

Bununla yanaşı, NATO ilə Fərdi Tərəfdaşlıq üzrə Əməkdaşlıq Proqramına əsasən martın 31-dən aprelin 4-dək Belqrad şəhərində (Serbiya) "NATO ilə 2014-cü il üzrə Hərbi Əməkdaşlığın Əlaqələndirilməsi" üzrə işçi görüş reallaşdırılacaq. Bütün tədbirlərdə Azərbaycan Respublikasının Silahlı Qüvvələrinin nümayəndələri də iştirak edəcəklər.

Seymur

Baxış sayı: 575