12px13px15px17px
Tarix:02/04/14

Sahibkarlığın inkişafında elektron xidmətlərin rolu ilə bağlı dəyirmi masa keçiriləcək

Bu il aprelin 4-də Bakıda "Sahibkarlıq subyektlərinin elektron qeydiyyat zamanı prosedur və müddətlərin azaldılması" mövzusunda  "dəyirmi masa" keçiriləcək. Bu barədə "ICTnews" elektron xəbər xidmətinə Sahibkarlar (İşəgötürənlər) Təşkilatları Milli Konfederasiyasından məlumat verilib.
 
Konfederasiyadan bildirilib ki, "Müflisləşmə və iflas haqqında" qanunun təkmilləşdirilməsi", "Elektrik təcizatı şəbəkəsinə qoşulma" mövzuları ətrafında da müzakirələr aparılacaq. Hökumət nümayəndələrinin, sahibkarların, Düşüncə mərkəzlərinin, Universitet təmsilçilərinin də iştirak edəcəyi "dəyirmi masa"da ölkədə elektronlaşma istiqamətində aparılan işlərdən, sahibkarlığın inkişafında elektron xidmətlərin rolundan və elektronlaşmanın iqtisadiyyatın daha da şaxələndirilməsinə göstərdiyi müsbət təsirlərdən söz açılacaq. 
 
Aprelin 16-da isə "Daşınmaz əmlak hüquqları, qeydiyyat sisteminin və kreditlərin verilməsi proseslərinin təkmilləşdirilməsi" mövzularında dəyirmi masa düzənlənəcək.
 
 
SEYMUR



Baxış sayı: 643

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024