Tarix:07/04/14

Tailandın böyük aeroportları pulsuz internetlə təchiz ediləcək

Tailandın böyük hava limanları aprel ayı ərzində sərnişinlərə simsiz internetə pulsuz çıxış təqdim etməyə başlayacaq.  Bu barədə “Airports of Thailand” aviaşirkətindən bildirilib.

Hazırda pulsuz “Wi-Fi” çıxış nöqtələri aeroportların yalnız xüsusi ayrılmış zonalarında fəaliyyət göstərsə də, apreldə bütün terminallar internetə çıxış imkanına malik olacaq. “Bu, aeroportların xidmət səviyyəsini beynəlxalq səviyyəyə qaldıraraq sərnişinlərə göstərilən xidmətlərin keyfiyyətini xeyli yaxşılaşdıracaq”, - “Airports of Thailand”ın xüsusi nümayəndəsi Sit Divari deyib.

Onun sözlərinə görə, hər bir sərnişin iki saat pulsuz internetdən istifadə edə biləcək. Bağlantının maksimal sürəti saniyədə 10 meqabayt təşkil edəcək, - “İTAR-TASS www.itar-tass.com” yazır.

Baxış sayı: 592

© İstifadə edilərkən İctnews-a istinad olunmalıdır