Tarix:10/04/14

“Chome” brauzerinin 34-cü versiyası çıxarılıb

“Google” şirkəti “Chrome” brauzerinin növbəti versiyasını təqdim edib.
 
Brauzerin 34-cü versiyasında adaptiv şəkillərin dəstəyi reallaşdırılıb. Şəkillər konkret qurğunun (smartfon, planşet, kompüter, televizor) ekran ölçüsündən asılı olaraq dəyişir. Bundan başqa, imtiyazlı istifadəçilərin məlumatlarının yeni kompüterlərə import edilmə funksiyası istifadəyə verilib.
 
“ICTnews” elektron xəbər xidməti “itc.ua” saytına istinadən bildirir ki, “Chrome 34” brauzerinə, həmçinin genişlənmə və tətbiqlər üçün lazım olan bir neçə yeni API-nin dəstəyi əlavə edilib. Bundan başqa, aşkar edilmiş səhvlər düzəldilib, brauzerin sabitliyi və məhsuldarlığının artırılması  üçün bir sıra dəyişikliklər edilib.
 
Emil Hüseynov
 

Baxış sayı: 682

© İstifadə edilərkən İctnews-a istinad olunmalıdır