12px13px15px17px
Tarix:10/04/14

“BlackBerry” mobil telefon biznesindən imtina edə bilər

“BlackBerry” şirkətinin baş direktoru Con Çen mobil biznesin bundan sonra da ziyana məruz qalacağı təqdirdə ondan imtina edəcəyini bəyan edib. Bu barədə “Reuters” agentliyi məlumat yayıb.
 
“Mən smartfon satışı biznesində qazanc əldə edə bilmirəmsə, gələcəkdə ondan imtina etməliyəm”, - deyə baş direktor qeyd edib.
 
Onun sözlərinə görə, bu məsələ ilə bağlı son qərar yaxın vaxtlarda qəbul olunacaq.
 
Bununla yanaşı, “BlackBerry” digər şirkətlərlə tərəfdaşlıqda korporativ texnologiyalara qoyulan investisiyaları genişləndirməyi planlaşdırır. Şirkət əsas diqqəti proqram təminatına yönəltmək niyyətindədir.
 
Məlumat üçün bildirək ki, 2013-2014-cü maliyyə ilinin birinci rübünün yekunlarına görə “BlackBerry” bir il əvvəlin analoji dövründə əldə olunan 98 milyon dollarlıq mənfəətlə müqayisədə 423 milyon dollar məbləğində itki ilə üzləşib.
 
Eyni zamanda, mədaxil 64 faiz azalaraq 976 milyon dollara enib. Hesabat dövrü ərzində "BlackBerry” 3,4 milyon smartfon, eləcə də, “BlackBerry 10” əməliyyat sisteminin idarəetməsi ilə işləyən 1,3 milyon qurğu satılıb, - “İTAR-TASS www.itar-tass.com” yazır.  



Baxış sayı: 651

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024