İNTERNET

Tarix:11/04/14

2013-cü ildə Rusiyanın internet auditoriyası 9% artıb

"Yandeks" şirkəti Rusiyanın regionlarında internetin inkişafı statistikasını dərc edib. Məlumata görə, 2012-ci ilin payızından 2013-cü ilin payızınadək Rusiyanın internet auditoriyası yalnız 9% artıb. Bu, son 10 ildə ən aşağı göstərici olub. Bununla belə, yuxarıda göstərilmiş müddətdə 5 milyondan çox yeni istifadəçi internet məkanına daxil olub.

"ICTnews" elektron xəbər xidməti "lookatme.ru" saytına istinadən bildirir ki, Rusiyada mobil internet sahəsində daha yaxşı nəticə qeydə alınıb. 2013-cü ildə internetə telefon, smartfon və planşet vasitəsilə daxil olan auditoriyanın sayı 1.5 dəfədən çox (8,7 milyon insan) artıb. Bu halda qurğuların 86 %-i "iOS" və "Android" sistemi ilə işləyir.

İnternet auditoriyasının yaş həddinə gəlincə, 35 yaşlı istifadəçilər üstünlük təşkil edir.

Emil Hüseynov

Baxış sayı: 710