12px13px15px17px
Tarix:16/04/14

“Avropol” aviabilet fırıldaqçılarına qarşı böyük əməliyyat keçirib

Aprelin 8-9-da dünyanın hüquq-mühafizə orqanları Avropa İttifaqının “Avropol” Polis Xidməti yanında Kibercinayətkarlıqla Mübarizə Mərkəzinin (EC3 – European Cybercrime Centre), ABŞ Məxfi Xidmətinin və digər təşkilatların dəstəyi ilə onlayn fırıldaqçılıq və qeyri-qanuni miqrasiyaya qarşı tarixdə ən böyük əməliyyat keçiriblər. Əməliyyat aylarla davam edən planlaşdırma və hazırlıqdan sonra baş tutub.
İki gün ərzində 32 ölkənin 68 aeroportunda saxta və ya oğurlanmış ödəniş kartlarından istifadə etməklə 265 şübhəli tranzaksiya qeydə alınıb. Nəticədə polis 113 nəfəri saxlayıb və şübhəli bilinən 70 fırıldaqçını həbs edib. Həbs və saxlanmaların həyata keçirildiyi ölkələr arasında Avstriya, Bolqarıstan, Böyük Britaniya, Macarıstan, Almaniya, Yunanıstan, İrlandiya, İspaniya, İtaliya, Kolumbiya, Kipr, Latviya, Litva, Niderland, Norveç, Polşa, Portuqaliya, Rumıniya, ABŞ, Ukrayna, Finlandiya, Fransa, İsveçrə və İsveç yer alıb.

Aviabiletin alınması və reys üçün eniş arasında ötən bir neçə saat ərzində fırıldaqçılar bileti almağa və ondan istifadə etməyə nail olurlar. Lakin aprelin 8-9-da hüquq-mühafizə orqanları belə sövdələşmələri real vaxt rejimində qeydə alıb və onlarla şirkətin işini koordinasiya etməklə sifarişçiləri dərhal hava limanında, təyyarəyə minən və ya təyinat məntəqəsinə çatan zaman həbs ediblər.

“Avropol”a bu işdə həmçinin çoxlu kommersiya şirkətləri – aviaşirkətlər, turist agentlikləri və ödəniş sistemləri lazımi informasiyanı təqdim etməklə yardımçı olublar. Ümumilikdə 35 şirkət əməliyyata cəlb olunub.

“Avropol”un məlumatında deyilir ki, həbs olunan vətəndaşların əksəriyyəti oğurluq, fırıldaqçılıq, qeyri-qanuni miqrasiya, narkotiklərin yayılması kimi çoxlu digər cinayətlərdə də təqsirli bilinirlər. Bundan başqa, həyata keçirilən əməliyyat ödəniş kartları fırıldaqçılığının dünyada necə populyar olmasını bir daha nümayiş etdirib. Hər gün dünyada saxta və ya oğurluq kartları ilə yüzlərlə aviabilet satılır, - “Xaker www.xakep.ru” yazır.  



Baxış sayı: 667

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024