İNTERNET

Tarix:18/04/14

Bloq-sayt hazırlaya bilənlərə şad xəbər

Azərbaycanın tarixi şəxsiyyətləri haqqında məlumatların internetdə yayılması istiqamətində növbəti addım atılıb. “ICTnews” elektron xəbər xidməti bildirir ki, “İslahatçı Gənclər” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Milli- mənəvi dəyərlərimiz və görkəmli şəxsiyyətlərimizin mətbuat və sosial şəbəkələrdə təbliği” layihəsi çərçivəsində müsabiqə keçirir.

Artıq 16-29 yaş arası gənclər arasında bloq-sayt müsabiqəsinə start verilir. Yarış 16-30 aprel 2014-cü il tarixlərini əhatə edəcək.

Gənclər bu tarixlərdə milli-mənəvi dəyərlərimiz və tarixi şəxsiyyətlərimiz mövzusunda bloq-sayt hazırlayıb müsabiqəyə təqdim edə bilərlər. Bloq-saytlar ümumilikdə milli-mənəvi dəyərlərlə bağlı mövzulara və ayrı-ayrı görkəmli, tarixi şəxsiyyətlərimizə həsr oluna bilər.

Bloq-saytı hazırlayan gənclər bloqun adını (linkini) və özü haqda CV-ni “genc-liderler@mail.ru” ünvanına göndərə bilərlər.

Müsabiqəyə təqdim olunan bloq-sayt nümunələri İKT ekspertləri və digər mütəxəssislərdən təşkil olunmuş münsiflər heyəti tərəfindən qiymətləndiriləcək. Yekunda ilk üç yeri qazanan gənclər diplomlar və hədiyyələrlə təltif olunacaq.

Seymur

Baxış sayı: 835