İNTERNET

Tarix:18/04/14

“Elektron hökumət” portalının “Facebook” səhifəsi istifadəçilərinin sayı 150 minəyaxınlaşır

Azərbaycanda elektron xidmətlərdən istifadə genişləndikcə, bu sahədə əhalini maraqlandıran suallar da çoxluq təşkil edir. Əhalinin bu istiqamətdə maarifləndirilməsində mühüm rol oynayan internet resurslardan biri də “Elektron hökumət” portalının rəsmi “Facebook” səhifəsi (www.facebook.com/egov.az) hesab olunur. Təsadüfi deyil ki, istifadəçilər sözügedən səhifəyə böyük maraq göstərirlər.

“ICTnews” elektron xəbər xidmətinin məlumatına görə, hazırda səhifə istifadəçilərinin sayı 140 min nəfəri keçib.

Bu “Facebook” səhifəsi ölkəmizdə “Elektron hökumət”in formalaşması istiqamətində görülən və nəzərdə tutulan işlər, layihələr haqda vətəndaşları maarifləndirmək, dövlət strukturlarının göstərdiyi elektron xidmətlərin hər bir vətəndaş üçün açıq olaraq portalda yerləşdirilməsiniişıqlandırmaq, eyni zamanda ölkəmizdə informasiya cəmiyyəti quruculuğunda aparılan işləri təhlil və müzakirə etmək, istifadəçiləri keyfiyyətli elektron xidmətlərlə təmin etmək məqsədilə yaradılıb.

Qeyd edək ki, “Elektron hökumət” portalı üzərindən e-xidmətlərdən faydalanmaq istəyən istifadəçilər “Facebook” səhifəsinə daxil olaraq öz fikirlərini bildirir və paylaşırlar. Səhifəyə ünvanlanan suallar sosial tələb olaraq qəbul edilir, operativ şəkildə cavablandırılır, irəli sürülən təklif və rəylər mütəmadi olaraq nəzərə alınır.
Xatırladaq ki, “Elektron hökumət” portalı dövlət qurumları tərəfindən əhaliyə xidmət göstərilməsinin yeni üsuludur. Vətəndaşlara dövlət tərəfindən göstərilən xidmətlər burada elektron mühitdə təqdim edilir.

CAHANGİR

Baxış sayı: 562