İKT

Tarix:21/04/14

“Apple” şirkətinin keçmiş rəhbəri Hindistan üçün smartfon hazırlayır

“Apple” şirkətinin keçmiş baş direktoru ConSkalli Hindistan sakinləri üçün öz mobil platformasını işə salmağı planlaşdırır. Skalli deyib ki, platforma müasir texnologiya və bank xidmətlərinə çıxışa malik olmayan Hindistan sakinləri üçün nəzərdə tutulub.

“ICTnews” elektron xəbər xidməti “cybersecurity.ru” saytına istinadən bildirir ki, Skallinin təsis etdiyi “Inflexpoint” şirkəti artıq cari ilin mayında Hindistan bazarında “ObiMobiles” brendi altında smartfonların satışına başlayacaq. "Hindistanda smartfonların payı 20% təşkil edir, bu halda ölkə sakinlərinin əksəriyyəti müasir mobil texnologiyalarla tanış deyil" – “Infelxpoint” şirkətindən bildirilib.

Bildirək ki, ConSkalli 1983-1993-cü illərdə “Apple” şirkətinin baş direktoru olub.

“Inflexpoint” şirkəti Hindistandaşəxsi tədarük zəncirini, dizaynmərkəzini, həmçinin satış ofisləri yaratmağı planlaşdırır. Şirkətdən bildirilib ki, hind istehlakçıları üçün ucuz smartfonlaristehsal ediləcək.“IDC Corp”unməlumatına əsasən, 2012-ci ildə Hindistan bazarına 16,2 milyon smartfontədarük edilib. 2013-cü ildə bu göstərici 44 milyon olub.2014-cü ildətədarük həcminin 80 milyona çatacağı gözlənilir.

"Hindistanda yeni brendin yaradılması üçün böyük imkanlar var və biz yerli sakinlərin ehtiyaclarını təmin etmək üçün istehsal və marketinq imkanlarından istifadə edəcəyik" – deyə Skallibildirib. Onun sözlərinə görə, şirkət Hindistana 80-115 dollar məbləğində smartfonlar tədarük edəcək.
ConSkalli hələ ki smartfonlar haqqında ətraflı məlumat verməsə də, qurğuların Çində quraşdırılacağı bildirilir.

Emil Hüseynov

Baxış sayı: 1334