12px13px15px17px
Tarix:21/04/14

Əli Abbasov: “Operatorlararası trafik mübadiləsinin qiyməti aşağı salınacaq”

“Azərkosmos artıq kosmik bazarlarda öz fəaliyyətini genişləndirir. Artıq Azərbaycana bu istiqamətdə bir çox ölkələrdən müraciətlər edilir”.
 
Bu barədə jurnalistlərə açıqlama verən Rabitə və yüksək texnologiyalar naziri Əli Abbasov bildirib ki, Fransa özünün növbəti peykini “Azərkosmos”la birgə orbitə çıxarmağı və onun kommersiya fəaliyyətini həyata keçirməyi təklif edir. “Sözügedən təklif də həm məsləhətçi sirkət, həm də “Azərkosmos”un ekspertləri tərəfindən araşdırılır. Peykin səmərəliliyi, kommersiya tərəfləri öyrənildikdən sonra təklif qəbul edilə bilər”.
 
Daha sonra mobil danışıq tarifləri ilə bağlı sualı cavablandıran nazir qeyd edib ki, Azərbaycanda bir sıra istiqamətlər üzrə qiymətlər Tarif Şurası tərəfindən müəyyənləşdirilir və buna da hər kəs, eləcə də ölkədə fəaliyyət göstərən bütün şirkətlər riayət edir:
 
 
“Digər tərəfdən isə bazar çərçivəsində nəzarət olunan xidmətlər var. Mobil xidmətlərin də bir çoxu bu qisim xidmətlərə aiddir. Lakin müəyyən qiymətlər də var ki, onlar birbaşa əhaliyə göstərilən xidmətlər deyil - yəni hüquqi şəxslər, operatorlar arasında olan xidmətlərin dəyərləndirilməsidir. Bunların isə tənzimlənməsi Rabitə və Yüksək Texnologiyalar Nazirliyinin kollegiyasının müraciəti və Ədliyyə Nazirliyinin təsdiqilə həyata keçirilir. Artıq bu istiqamətdə addımlar atılıb. Əgər mobil operatorlar razı olmasa, məhkəməyə müraciət olunacaq. Amma bu yaxınlarda bizim kollegiyanın məlumatından sonra hər üç operator nazirliyin Tənzimləmə şöbəsi ilə aktiv işləməyə başlayıb. Onların 3-ü də söz verir ki, operatorlararası olan trafik mübadiləsinin aşağı salınmış qiymətini qəbul edəcəklər. Bu da onlara imkan verəcək ki, xidmətlərin qiymətini aşağı salsınlar”.
 
 
 
Seymur Qasımbəyli



Baxış sayı: 702

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 Yanvar 2019

19 01 2019

19/01/19
“Microsoft” korporasiyası “Windows 10 Mobile” sisteminin dəstəyini dayandırır

“Microsoft” korporasiyası 10 dekabr 2019-cu ildən sonra “Windows 10 Mobile” sisteminin idarəetməsi altında işləyən smartfonlar

19/01/19
İnternetdə məlumat itkisindən necə qorunmaq olar?

“ESET Russia”nın mütəxəssisi Andrey Yermilov istifadəçilərə öz şəxsi hesablarını qorumaq üçün tövsi

19/01/19
“Apple Watch” saatı insult diaqnozunu qoya biləcək

“Apple” korporasiyası tibb sahəsində ekspertlərlə birgə öz “ağıllı” saatına insult