12px13px15px17px
Tarix:19/08/11

Azərbaycanda “3G” şəbəkəsi genişləndirilir

Azərbaycanın mobil rabitə operatoru "Azərfon" MMC üçüncü nəsil şəbəkəsinin (3G) genişləndirilməsinə başlayıb. Bu barədə cümə axşamı şirkətin korporativ əlaqələr üzrə meneceri Elşad Fərzəliyev məlumat verib.

Bu gün "Azərfon" operatorunun “3G” şəbəkəsi Bakı, Abşeron yarımadası və Sumqayıtla yanaşı, Gəncə, Şirvan, Naxçıvan, Mingəçevir, Şəki, Tovuz və Şəmkirdə də fəaliyyət göstərir. E.Fərzəliyevin sözlərinə görə, yaxın iki ayda "Azərfon"un “3G” şəbəkəsi Azərbaycanın başqa şəhərlərini də əhatə edəcək.

"Azərfon" şirkətinin “3G” şəbəkəsində məlumatların ötürülməsi sürəti 7,2 Mbit/saniyəyə çatır ki, bu da multimedialı kontentin operativ yüklənməsini, İnternet şəbəkəsinə, elektron poçta yüksəksürətli çıxışı və fayl əlavələrinin mübadiləsi imkanlarını təmin edir. “3G” şəbəkəsinin istifadəçiləri bu standarta uyğun gələn mobil telefonların köməyilə böyük həcmdə məlumat və videotəsvirləri qəbul edə və ötürə bilərlər.

"Bununla paralel olaraq biz habelə yeraltı nəqliyyatı əhatə edəcək “2G” şəbəkəsinin çəkilişinə də hazırlaşırıq. Hazırda Bakı Metropoliteninin bəzi stansiyalarında layihələndirmə aparılır", - deyə Fərzəliyev deyib.



Baxış sayı: 1224

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024