12px13px15px17px
Tarix:19/08/11

“HP” şirkəti smartfon və planşetlərdən imtina edir?

“Hewlett-Packard” şirkəti “webOS” əməliyyat sistemi ilə işləyən mobil qurğuların satışını dayandıracaq. Bu barədə “HP” şirkətinin bəyanatında bildirilib.

“HP” şirkəti “webOS” əməliyyat sistemi ilə işləyən “Veer”, “Pre3” smartfonu və “TouchPad” planşetindən imtina edəcək. Şirkətin rəhbəri Leo Apoteker bildirib ki, smartfon və planşet satışları cari ilin dördüncü rübündə dayandırılacaq. Bu barədə “This is my next” bloqu xəbər verib.

Leo Apotoker “WebOS” əməliyyat sisteminin sonrakı taleyi haqqında konkret məlumat verməyib. “HP” şirkətinin digər qurğu istehsalçılarına əməliyyat sistemindən istifadə etməyə icazə verəcəyi də istisna deyil. “HP TouchPad” planşeti iyul ayının 1-də ABŞ ərazisində satışa çıxarılıb, lakin planşetə tələbat az olub.

Məlumat üçün qeyd edək ki, “HP” şirkəti “WebOS” əməliyyat sistemini “Palm İnc” şirkətindən alıb. “HP” və “Palm İnc” şirkətləri arasındakı saziş haqqında 2010-cu ilin aprel ayında elan edilib. Sazişin dəyəri 1,2 milyard dollar təşkil edib.


lenta.ru



Baxış sayı: 1745

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024