İKT

Tarix:03/05/14

“Apple” növbəti “WWDC” konfransında “OS X” yenilənməsini təqdim edəcək

Tərtibatçıların növbəti “WWDC” konfransında “Apple” şirkəti “OS X” masaüstü əməliyyat sisteminin yenilənməsinə böyük diqqət ayıracaq. Bu haqda öz mənbələrinə istinadən “9to5Mac” bloqu yazıb.

“ICTnews" elektron xəbər xidməti “lookatme.ru” saytına istinadən bildirir ki, nəşrin məlumatına görə, “OS X” əməliyyat sisteminin 10.10 versiyasınadək yenilənməsi son zamanlar ən mühüm dəyişikliklərdən biri olacaq. Məsələn, “OS X” interfeysinin dizaynı “iOS 7” dizaynına oxşayacaq. Mənbələrin məlumatına görə, yeniləmənin kod adı “Syrah”dır (şərab istehsalında istifadə edilən üzüm sortu). “9to5Mac” bloqunun müşahidəçisi, həmçinin bildirib ki, “Apple” şirkəti “iOS 8” əməkdaşlarının bir hissəsini “OS X” üzərində işə keçirib.

“WWDC” konfransı 2-6 iyun 2014-cü il tarixində keçiriləcək.

Emil Hüseynov

Baxış sayı: 670