12px13px15px17px
Tarix:19/08/11

“İntel” vədinə xilaf çıxdı

Veb-mənbələrin məlumatına əsasən, “İntel” korporasiyası növbəti nəsil “Cedar Trail” mobil platformasının təqdimatını təxirə salmağa məcbur olub.

Qeyd edək ki, şirkət “Cedar Trail”i sentyabr ayında təqdim edəcəkdi. Lakin indi bildirilib ki, platformanın çıxışı ən yaxşı halda noyabr ayından sonra ola bilər. Bunun səbəbi isə qrafik alt sistemin drayverləri ilə bağlı yaranan problemdir. Belə ki, onlar “Windows 7” sertifikatlaşdırmasını keçə bilməyiblər.

“Cedar Trail” əsasında olan netbuklar üçün müvafiq olaraq 1,6 və 1,86 QHz takt tezlikli “Atom N2600” və “N2800” çiplərinin çıxarılışı planlaşdırılır. Çiplər 2 nüvəli olacaq, “Hyper-Threading” çoxaxınlılıq texnologiyasını, “DDR3” yaddaş kontrollerini, həmçinin “DirectX 10.1” proqram interfeysinin dəstəyi ilə inteqrasiya edilmiş qrafik kontrolleri dəstəkləyəcək. Prosessorlar 32 nanometr texnologiya üzrə hazırlanacaqlar; onlar hazırkı “Atom N475” və “N455” modellərini əvəz edəcəklər. Yeni nəsil “Atom” prosessorlarının qiyməti 42-52 dollar arasında olacaq.



Baxış sayı: 1016

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024