İKT

Tarix:07/05/14

Maye kristal displey ixtiraçısı dünyasını dəyişib

Dünən maye kristal texnologiyasının yaradıcısı Corc Xeylmeyer vəfat edib. Hazırda bütün monitorlar və televizorlar bu texnologiya əsasında buraxılır. “The New York Times” nəşri yazır ki, Xeylmeyer hələ aprelin 21-də öz evində dünyasını dəyişib. Mühəndisin qızının sözlərinə görə, onun atası alsqeymer xəstəliyindən əzab çəkib və məhz bu, ölümə səbəb olub.

“ICTnews" elektron xəbər xidməti “cybersecurity.ru” saytına istinadən bildirir ki, 1960-cı illərin ortalarında Xeylmeyer “Radio Corp of America” (RCA) şirkətinin tədqiqat laboratoriyasında işləyib. Artıq o zaman Xeylmeyer ekranda təsvirin formalaşdırılması üzərində təcrübələrə başlayıb.

1968-ci ilin mayında “RCA” şirkətinin nümayiş etdirdiyi yeni texnologiyanı elektron cihazlarda istifadə etmək mümkün idi. Artıq o zaman bir sıra alimlər LCD ekranların gələcəyinə inanırdılar. Əlbəttə ki, 60-cı illərdə maye kristal texnologiya məhdud şəkildə tətbiq edilirdi və ekranlarda uzun müddət işıqlandırıcı olmayıb, amma texnologiya daim təkmilləşirdi.

Emil Hüseynov

Baxış sayı: 676