İKT

Tarix:22/05/14

Regional Rabitə Birliyinin insan resurslarının inkişafı üzrə komissiyasının iclası keçiriləcək

İyunun 3-4-də Düşənbədə Regional Rabitə Birliyinin (RRB) İnsan resurslarının inkişafı üzrə komissiyasının 25-ci iclası, MDB ölkələri üçün Beynəlxalq Rabitə İttifaqının “Ustalıq mərkəzi” İdarəetmə Komitəsinin 11-ci iclası və “RRB-nin telekommunikasiyaların inkişafı sahəsində beynəlxalq və regional prioritetləri” mövzusunda seminar keçiriləcək.

“ICTnews” xəbər xidmətinin RRB-nin rəsmi saytına istinadən verdiyi məlumata əsasən, MDB ölkələri üçün Beynəlxalq Rabitə İttifaqının “Ustalıq mərkəzi” İdarəetmə Komitəsinin 11-ci iclasında mərkəzin gələcək fəaliyyəti, RRB-nin üzvü olan ölkələrin rabitə və informasiya texnologiyaları sahəsində mütəxəssislərin hazırlanması üzrə təhsil institutlarının fəaliyyət istiqamətlərinin reallaşdırılması proqramının layihəsi və s. məsələlər müzakirə ediləcək.

Aynur Vəliyeva

Baxış sayı: 592