12px13px15px17px
Tarix:23/05/14

“HP” daha 16 min əməkdaşını ixtisar edir

"Hewlett-Packard" şirkəti yenidənqurma və biznes istiqamətinin müasirləşdirilməsi fonunda heyətini 11-16 min nəfər ixtisar edəcək. Son  məlumatlara əsasən, "HP" şirkətində 317500 insan işləyir.
 
"ICTnews" elektron xəbər xidməti "cybersecurity.ru" saytına istinadən bildirir ki, "HP" rəsmisi deyib ki, cari ilin ikinci rübündə şirkətin gəliri məhsul və xidmətlərə mənfi tələbat dinamikası fonunda gözləntilərdən daha aşağı olacaq. İnvestorlar deyib ki, "HP"-də artıq üçüncü ildir əsas maliyyə göstəriciləri azalır. Şirkətin əsas gəlir mənbəyi fərdi kompüter, printer və serverlərə tələbatın azalmasına görə aşağı düşür. Korporativ sistemlərin satış həcmi azalıb, çünki hazırda bütün dünyada biznes  internet üzərindən proqram təminatına keçir.
 
İkinci maliyyə rübündə şirkətin xalis mənfəəti 1,27 milyard dollar və ya 1 səhm üçün 66 sent təşkil edib ki,  bu da ötən illə müqayisədə 18% yüksəkdir. İstehsalçının mədaxili 1% azalaraq 27,3 milyard dollar olub.
 
Emil Hüseynov



Baxış sayı: 551

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024