12px13px15px17px
Tarix:23/05/14

“Wi-Fi” texnologiyası daşınan elektronika bazarında vacib rol oynayacaq

“Wi-Fi” simsiz rabitə texnologiyası aktiv şəkildə formalaşan daşınan elektronika bazarında mühüm rol oynayacaq. Bu fikri “Strategy Analytics” şirkətinin ekspertləri söyləyib. Analitiklərin sözlərinə görə, yaxın gələcəkdə istehsalçılar tərəfindən buraxılan kompüterləşdirilmiş eynəklərin əksəriyyəti quraşdırılmış “Wi-Fi” funksiyaları ilə təchiz ediləcək.
 
“Strategy Analytics”in direktoru Mett Uilkins qeyd edir ki, “Wi-Fi” vasitəsilə “smart” eynək istifadəçiləri çəkdikləri videoçarxları videofayl mübadilə saytlarına yükləyə biləcəklər. Mütəxəssislərin proqnozlarına görə, 2015-ci ildə istehsal olunan “ağıllı” eynəklərin 79 faizi “Wi-Fi”ı dəstəkləyəcək, belə qurğuların tədarük həcmi 2014-cü ildəki 1,2 milyon ədədə nisbətdə 4 milyon ədədə çatacaq.
 
Kompüterləşdirilmiş eynəklər bazarının hərəkətverici qüvvəsi kimi ekspert “Google” şirkətinin adını çəkərək vurğulayıb ki, bu seqmentə son nəticədə axtarış sisteminin rəqibi ola biləcək “Samsung” və “Apple” şirkətləri də maraq göstərir.
 
Həmkarının fikrini tamamlayan şirkətin digər mütəxəssisi Nil Mouston deyib ki, simsiz texnologiya “smart” eynək kimi daşınan qurğu sahiblərinə kontenti paylaşmaqla yanaşı, ondan istifadəyə imkan verəcək.  



Öz növbəsində “Strategy Analytics”in baş analitiki Linda Sui əlavə edib ki, smartfon və planşet kompüterlərdən sonra daşınan elektronika mobil sahənin ən perspektivli istiqamətidir. Mütəxəssisin fikrincə, ABŞ və Çin daşınan elektronika qurğularının ən böyük regional bazarları olacaq, - “DailyComm www.dailycomm.ru” yazır.  






Baxış sayı: 593

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024