12px13px15px17px
Tarix:29/05/14

Heydər Əliyevin 91-ci il doğum günü münasibəti ilə təşkil edilən “Ən yaxşı bloq” müsabiqəsinə təqdim olunmuş işlər qiymətləndirilib

Təhsil Nazirliyi Təhsil Problemləri İnstitutu və “Demokratik Gənclər” İctimai Birliyi ulu öndər Heydər Əliyevin 91-ci il doğum günü münasibəti ilə təşkil etdiyi “Ən yaxşı bloq” müsabiqəsinə təqdim olunmuş işlərin qiymətləndirilməsini yekunlaşdırdı. Müsabiqəyə təqdim olunmuş müəllim və şagird bloqlarının nəticələrinin elan olunması və diplomların verilməsi mayın  30-u saat 11:00-da Təhsil Problemləri İnstitutunun II korpusunda baş tutacaq.
 
Təşkilat Komitəsindən qeyd edilib ki, müsabiqədə iştirak etmək istəyənlər öz yaratdıqları bloqların linklərini “musabiqe.blog@gmail.com” ünvanına göndərmişdilər:
 
“Müsabiqənin şərtlərinə görə, hazırlanan işlər “Blogspot.com” saytında hazırlanmalı, hazırlanan bloqda Heydər Əliyev və Müasir Azərbaycan Təhsili bölməsi öz əksini tapmalı idi.
 
Bloqda öz əksini tapan bütün məlumatlar əgər özü tərəfindən deyil, digər bir insan tərəfindən hazırlanıbsa, o zaman müəlliflik hüquqları qorunmalı idi.
 
Hər materialın mənbələrinə istinad mütləq göstərilməli idi. Sonda münsiflər tərəfindən 3 nominasiya - “Ən yaxşı dizayn”, “Ən yaxşı məzmun” və “Ən yaxşı veb-resurs”  üzrə qiymətləndirmə aparılıb.
 
Qeyd edək ki, üçüncü bölmədə müəllifin müxtəlif “Veb 2.0” alətlərindən istifadə edərək hazırladığı müxtəlif resurslar nəzərdə tutulur. Təşkilat Komitəsindən qeyd edilib ki, hər bir nominasiya üzrə əlavə olaraq 3 həvəsləndirici yer ayrılacaq.
 
Bütün bu nominasiyaların hamısını özündə əks etdirən ən yaxşı 1 bloq sahibi müsabiqənin xüsusi nominasiyası olan “Ən yaxşı bloqçu” fəxri adına layiq görüləcək.
 
 
Həqiqət İSABALAYEVA



Baxış sayı: 1150

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024