İKT

Tarix:03/06/14

Avropa istifadəçilərinin 42 faizi alış-verişi mobil telefondan edir

Avropalıların dörddə bir hissəsi mobil bankçılıqdan istifadə edir, 42 faizi alış-verişi mobil telefonla həyata keçirir. Bu barədə “ING” maliyyə qrupunun araşdırmasında deyilir.

Hesabata əsasən, smartfonlardan istifadənin artması impulslu alış-verişə səbəb olur. Hazırda 139,5 milyon avropalı mütəmadi mobil telefondan alış-veriş edir ki, onların da 42 faizi bunu impulsiv etdiyini bildirir.

Tədqiqatdan o da məlum olub ki, mobil ticarətdə ən populyar mallar arasında 23 faizlə geyim liderlik edir. Ondan sonrakı yerləri elektronika (21 faiz), oyunlar (12 faiz), səyahət (11 faiz), musiqi (11 faiz) və ərzaqlar (11 faiz) tutur.

Niderlandda respondentlərin təxminən yarısı (47 faiz) smartfonlardan alış-veriş etdiyi halda Böyük Britaniyada bu göstərici 31, Fransada 17 faizə bərabərdir.

Qeyd olunur ki, insanların çoxu alış-veriş üçün nağd pula alternativ vasitələrdən istifadə edir: Avropa sakinlərinin 49 faizi nağd puldan bir il əvvəldən daha az istifadə etdiyini, 40 faizi bunu hərdənbir həyata keçirdiyini vurğulayıb, - "IT Expert www.itexpert.org.ua” yazır.

Baxış sayı: 554