İKT

Tarix:04/06/14

Fərdi kompüter bazarında azalma davam edəcək

“IDC” analitik şirkəti cari il üçün fərdi kompüter bazarının dinamikası üzrə öz proqnozunu yeniləyib. Məlumata əsasən, 2013-cü illə müqayisədə azalma 6% təşkil edəcək.

“ICTnews" elektron xəbər xidməti “cybersecurity.ru” saytına istinadən bildirir ki, “IDC”-nin məlumatına əsasən, planşet və smartfonların populyarlaşması, məlumatların internetə daşınması, həmçinin dünyada qeyri-müəyyən makroiqtisadi vəziyyət tədarük həcminin azalmasına səbəb kimi göstərilir. “IDC” şirkətinin ötən ilin dekabrında dərc etdiyi proqnoza əsasən, 2014-cü ilin sonunadək planetin əhalisinin 20%-i planşetdən istifadə edəcək və bir çox inkişaf etməkdə olan ölkələrdə istifadəçilər heç vaxt FK-dən istifadə etməyiblər, amma dərhal smartfondan istifadəyə keçiblər.

“IDC”-nin qiymətləndirməsinə əsasən, cari il dünya bazarına 296,3 milyon kompüter tədarük ediləcək. Bir il əvvəl bu göstərici 315.1 milyon təşkil edib.

Emil Hüseynov

Baxış sayı: 546