TEXNOLOJİ YENİLİKLƏR

Tarix:06/06/14

“Microsoft” 200 dollarlıq “Windows” smartfonları istehsal edəcək

"Microsoft"un qurğu istehsalçıları ilə əməkdaşlıq üzrə direktoru Nik Parker deyib ki, "Windows Phone" əməliyyat sistemi ilə işləyən smartfonlar bazara 100-399 dollar qiymətinə çıxarılacaq. O, bu haqda "Computex" sərgisində deyib.

"ICTnews" elektron xəbər xidməti "lenta.ru" saytına istinadən bildirir ki, o deyib ki, indiki modellərin qiyməti 400, 500 və 600 dollardan başlanır. Yeni qurğular isə 200-300 dollar qiymətinə satılacaq.

"Microsoft" nümayəndəsinin sözlərinə görə, 200-300 dollarlıq "WP"-qurğular artıq ilin sonunadək bazara çıxarılacaq. Parker hansı istehsalçıların sözügedən qiymət diapazonunda "Windows" smartfonlar buraxacağını dəqiqləşdirməyib.

"IDC" analitik şirkətinin proqnozuna görə, 2018-ci ilədək "Windows Phone" platforması qlobal smartfon bazarında 7% bazar payına nail olacaq.

Emil Hüseynov

Baxış sayı: 1302