İKT

Tarix:07/06/14

2018-ci ilədək smartfonlar bazarının həcmi hər il 10 faiz artacaq

Prosessor arxitekturası əksər müasir smartfonlarda istifadə olunan “ARM Holdings” şirkəti 2018-ci ilədək “ağıllı” telefonların tədarük həcminin ildə 10 faiz artımını proqnozlaşdırır. Bazarda irəliləyişi inkişaf etməkdə olan ölkələr üçün nəzərdə tutulan ucuz modellər təmin edəcək. Bu barədə şirkət rəhbəri Saymon Seqars deyib.

Onun sözlərinə görə, göstərilən müddət ərzində qiyməti 150 dollaradək olan qurğular seqmentində illik artım 17 faiz təşkil edəcəyi halda qiyməti 150-300 dollar olan aparatların illik tədarükü 14 faiz olacaq. Ən aşağı artım tempi – təxminən 4 faiz qiyməti 300 dollardan yuxarı olan aparatlar kateqoriyasında gözlənilir.

“Ucuz smartfonlar böyük təsir gücünə malikdir. Artıq indi qiyməti 25-20 dollar təşkil edən modellərə rast gəlmək mümkündür ki, bu da təəccüb doğurur”, - “ARM Holdings” rəhbəri qeyd edib.

Maraqlıdır ki, analitiklər smartfonlar bazarının perspektivlərinə ehtiyatla yanaşırlar. Belə ki, “IDC” analitik şirkətinin proqnozuna görə, 2018-ci ilədək smartfonların tədarükü xeyli zəifləyərək cəmi 6,2 faiz təşkil edəcək. Müqayisə üçün qeyd edək ki, ötən il bu qurğuların tədarükü 39,2 faiz artaraq ilk dəfə 1 milyardlıq səviyyəni ötüb, - “DailyComm www.dailycomm.ru” yazır.

Baxış sayı: 556