12px13px15px17px
Tarix:30/06/14

Avropa kosmosa nəhəng rentgen teleskopu göndərəcək

Avropa bəşəriyyət tarixində nəhəng rentgen teleskopun yaradılmasına yönələn layihəyə başlayıb. Belə ki, uzunluğu 12 m, çəkisi 5 ton təşkil edən “Athena” kosmik aparatının 2028-ci ildə orbitə buraxılması planlaşdırılır.
 
Layihə Avropa Kosmik Agentliyinin (ESA) Elmi proqramlar komitəsi tərəfindən Tuluzada (Fransa) keçirilən görüşündə təsdiq olunub. Layihənin həyata keçirilməsi 1 milyard dollar dəyərində qiymətləndirilir.
 
Kosmosa nəhəng rentgen aparatın buraxılması üzrə layihəyə son qərarın komitənin 2019-cu ildə keçiriləcək növbəti iclasında veriləcəyi gözlənilir. “Athena” daha uzun dalğalarda müşahidələr aparan “Square Kilometre Array” və “European Extremely Large Telescope” kimi böyük teleskopların oxşarı olmaqla növbəti nəsil rəsədxana kimi qələmə verilir.  
 
“Athena”-nın həssaslığı hazırkı ən yaxşı “Chandra” və “XMM-Newton” kosmik rentgen aparatları ilə müqayisədə yüz dəfə artırılacaq. Yeni aparat kosmosun dərinliklərini müşahidə etməyə imkan verəcək qabaqcıl optika və detektorlarla təchiz ediləcək.
 
“Athena” qalaktikaların yaranma prosesini, eləcə də onların mərkəzində yerləşən böyük “qara dəliklər”in mənşəyini və inkişafını tədqiq edəcək. Bu proseslərin hamısı elektromaqnit şüalanması spektrinin rentgen hissəsindəki yüksək enerji ilə əlaqədardır.
 
“Athena”-nın kosmosa “Ariane 5” raketdaşıyıcısı ilə çıxarılması nəzərdə tutulur. Lakin problem ondadır ki, 2028-ci ilədək bu raket istehsaldan çıxarıla bilər. Bu səbəbdən Avropa qeyd olunan vaxtadək “Ariane 6” raketdaşıyıcısını hazırlamaq niyyətindədir, - "Hi-Tech News www.hi-news.ru”  yazır.  



Baxış sayı: 428

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Avqust 2019

24 08 2019

24/08/19
“Silence” haker qruplaşmasının vurduğu ziyan açıqlanıb

“Silence” haker qruplaşmasının bütün dünya üzrə vurduğu ziyan 4,2 milyon dollar təşkil edib. Bu barədə ki

24/08/19
“5G” infrastrukturu sahəsində xərclər 2 dəfə artacaq

“Gartner” analitik şirkəti beşinci nəsil mobil rabitə şəbəkəsi (5G) infrastrukturunun inkişafı üzrə proqn

24/08/19
“Intel” süni intellekt üçün ilk prosessor hazırlayıb

“Intel” şirkəti “Nervana NNP-I” (digər adı Springhill) prosessorunu təqdim edib.