NRYTN

Tarix:10/07/14

İnformasiya Texnologiyalarının İnkişafı Dövlət Fondunun 1-ci qrant müsabiqəsində 31 layihə qalib olub

Azərbaycan Rabitə və Yüksək Texnologiyalar Nazirliyində İnformasiya Texnologiyalarının İnkişafı Dövlət Fondunun Müşahidə Şurasının növbəti iclası keçirilib.

Fonddan "ICTnews" xəbər xidmətinə verilən məlumata əsasən, İnformasiya Texnologiyalarının İnkişafı Dövlət Fondunun 1-ci qrant müsabiqəsində 31 layihə qalib olub.

Müsabiqə çərçivəsində Fonda 194 layihə daxil olub. Onlardan 106-sı ilkin, 59-u isə kompleks ekspertizadan keçərək yekun qərarın verilməsi üçün Fondun Müşahidə Şurasına təqdim edilmişdir. Müşahidə Şurası təqdim olunan 59 layihədən 31 layihənin maliyyələşdirilməsi ilə bağlı qərar qəbul edib.

Qrant müsabiqəsində "3İ", "Aeronaviqasiya təminatı üçün çoxölçülü trenajor sisteminin yaradılması", "Azərbaycanda e-hökumətin inkişaf modeli əsasında elektron xidmətlərin genişləndirilməsi və təkmilləşdirilməsi", "Buta CMS", "Car Doctor", "Cərimələrin avtomatlaşdırılması", "CoLi", "Doctormap", "ECM – Uyğunluğun İdarəolunması üzrə Mühəndis Proqram Təminatı", "e-Layihə", "eÖS", "Eticaret.az", "Əlifbanı Öyrənirəm", "GOUP", "Həkimə dəstək kompüter proqramı", "HiPassenger", "İntellektual sistemlərin rəqəmsal kitabxana şəbəkəsinə tətbiqi", "İsmayıllı Elektron Turizm Portalı", "Knowledge Yard Hospital İnformasiya Sistemi", "Mülki təyyarələrdə uçuşdan qabaq qəza vəziyyətlərinin gizli dövrünün noise-monitorinq sisteminin yaradılması", "My Baku", "Radiosiqnal mənbələrinin xüsusiyyətlərinin identifikasiyası üçün metod, alqoritmlər və proqram təminatının işlənməsi", "Salyut", "Səhiyyənin İntellektual İdarəsi Mərkəzi", "Social TRENDS", "Socset.com", "Smart kartla mobil imza", "SmartMenu", "Təhlükəsizlik məqsədləri üçün Germanium/Silisium əsaslı ikizolaqlı görüntü sensorları", "ULC Computing Systems", "Wetravel" layihələri qalib gəlib.

Aynur Vəliyeva

Baxış sayı: 1207