İKT

Tarix:23/07/14

2014-cü ilin ikinci rübündə qlobal planşet tədarükü 55,06 milyon təşkil edib

“Digitimes Research” analitiklərinin hesablamasına əsasən, 2014-cü ilin ikinci rübündə dünya bazarına 55,06 milyon planşet tədarük edilib. Ekspertlər bildirirlər ki, ötən illə müqayisədə nəticə 18% artıb.

“ICTnews" elektron xəbər xidməti “dailycomm.ru” saytına istinadən bildirir ki, yuxarıda qeyd edilmiş göstəricinin 14,1 milyonu “Apple” planşetlərinin payına düşüb. “Digitimes Research”in məlumatına görə, aprel-iyun aylarında “iPad” planşetinin tədarük həcmi 10% azalıb. Başqa brendlərin payına 18,96 milyon planşet düşüb. Bundan başqa, “white-box” istehsalçıları 22,3 milyon planşet tədarük ediblər.

Bütövlükdə planşet bazarında vəziyyət haqqında danışan mütəxəssislər əlavə ediblər ki, ikinci rübdə tədarükün həcmində mövsümi azalma müşahidə olunub.

Emil Hüseynov

Baxış sayı: 634