İKT

Tarix:24/07/14

“Avropa İttifaqı və Şərq Tərəfdaşlığı ölkələri rəqəmsal bazarların uyğunlaşdırılması təşəbbüsü” mövzusunda seminar keçiriləcək

“Avropa İttifaqı (Aİ) və Şərq Tərəfdaşlığı (ŞT) ölkələri rəqəmsal bazarların uyğunlaşdırılması təşəbbüsü” mövzusunda seminar keçiriləcək. Bu ayın 29-da keçirilməsi nəzərdə tutulan tədbir Belçikanın paytaxtı Brüssel şəhərində baş tutacaq. Bu barədə “ICTnews" elektron xəbər xidmətinə Rabitə və Yüksək Texnologiyalar Nazirliyinin (RYTN) İnformasiya cəmiyyətinin inkişafı şöbəsindən məlumat verilib.

Məlumatda bildirilir ki, bu təşəbbüs Belarus Respublikasının “İNFOPARK” elmi-texniki assosiasiyası tərəfindən 2013-cü ildə irəli sürülüb və 2014-cü ilin yanvarında ŞT Proqramının II platformasının 11-ci iclasında Aİ və ŞT ölkələri nümayəndələrinə təqdim olunub. Təşəbbüs çoxtərəfli layihələrin həyata keçirilməsi yolu ilə Avropa İttifaqı və Şərq Tərəfdaşlığı ölkələrinin rəqəmsal bazarlarının uyğunlaşdırılmasını və beləliklə, onlayn ticarətin və elektron xidmətlərin Avropada milli sərhədlərdən kənarda inkişafına mövcud olan maneələrin aradan qaldırılmasını təmin etmək məqsədi daşıyır.

Qeyd edək ki, sözügedən beynəlxalq tədbirdə Azərbaycanı RYTN, AMEA və XİN-in əməkdaşlarından ibarət nümayəndə heyəti təmsil edəcək.

SEYMUR

Baxış sayı: 711