12px13px15px17px
Tarix:30/07/14

2020-ci ildə Avropada “5G” şəbəkəsi istifadəyə veriləcək

  Böyük Britaniya istifadəçiləri altı ildən sonra mobil şəbəkələrdə filmləri bir neçə saniyəyə yükləyə biləcək. Londonda yüksəksürətli şəbəkənin qurulması ilə bağlı planları şəhər meri Boris Conson açıqlayıb.


"London Avropanın texnoloji mərkəzi kimi tanınır və məhz bu səbəbdən biz şəhər sakinlərini ən yaxşı rəqəmli bağlantıya çıxışla təmin etməliyik. Kommunikasiya imkanlarının yaxşılaşdırılması London infrastrukturunun inkişafı ilə bağlı planın əsas hissəsini təşkil edir", - mer qeyd edib.


O vurğulayıb ki, 2020-ci ilədək Londonda beşinci nəsil şəbəkəsi (5G) qurulacaq. Hazırda isə Surrey Universitetinin (University of Surrey) alimləri ali təhsil ocağı nəzdində fəaliyyətə başlayan "5G Innovation Centre" laboratoriyasında yeni rabitə standartı – "5G" mobil rabitə standartı üzərində iş aparırlar. 
Tədqiqat qrupunun rəhbəri Rəhim Tazolli bildirib ki, Böyük Britaniya alimləri GSM (2G) standartının ərsəyə gəlməsi üçün çox şey etsələr də, "3G" və "4G" protokollarının yaradılmasında yetərincə fəallıq göstərməyiblər. Məhz buna görə "5G Innovation Centre" laboratoriyasının yaradılmasına qərar verilib və bu təşəbbüsə Böyük Britaniya hökuməti 11,6 milyon funt sterlinq (təxminən 18,6 milyon dollar), habelə layihədə iştirak edən özəl şirkətlər, o cümlədən "Huawei", "Samsung", "Telefonica", "Rohde & Schwarz", "Fujitsu" və s. şirkətlər 24 milyon funt sterlinq (təxminən 38,5 milyon dollar) məbləğində maliyyə dəstəyi göstərəcəklər. 


Layihə iştirakçıları birgə səylər nəticəsində Surrey Universitetinin alimlərinin üzərində artıq uzun illərdir çalışdıqları "5G" texnologiyasının mümkün variantlarını işləyib hazırlayaraq standartlaşdıracaqlar.

Standartın ilkin versiyasının hər baza stansiyasını 10Gbit/saniyə sürətində qoşulma ilə təmin etməsi, hər müştəri qurğusuna 200 Mbit/saniyə enliyində kanal verməsi nəzərdə tutulur. Layihə iştirakçılarının maliyyə qoyuluşları və şəxsi imkanları hazırlanmaqda olan işlənməyə nəzəriyyədən kənara çıxmağa imkan verəcək.

Mühəndislər standartın sonuncu versiyasını 2020-ci ilədək istifadəyə verəcəklərinə ümid edirlər. Bu şəbəkənin buraxılış qabiliyyəti "3G" ilə müqayisədə min dəfə çox olmaqla enerji sərfiyyatını 10 dəfə azaldacaq.    

2014-cü ilin iyulun əvvəlində "Ericsson" telekommunikasiya avadanlığı istehsalçısı beşinci nəsil şəbəkəsini sınaqdan keçirərək məlumatların 5 Qbit/saniyə sürətində ötürülməsinə nail olub. Bu, "LTE-Advanced" şəbəkəsi ilə müqayisədə 16 dəfə daha sürətlidir.  

İyunda Avropa Komissiyası və Cənubi Koreya Elm Nazirliyi "5G" üzərində birgə iş haqqında saziş imzalayıb. Bundan başqa, Avropa İttifaqı növbəti yeddi il ərzində yeni rabitə standartının inkişafına 700 milyon avro investisiya yatırmağa razılıq verib, - "DailyComm www.dailycomm.ru" yazır.




Baxış sayı: 719

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 İyun 2019

24 06 2019

24/06/19
Bill Qeyts öz əsas səhvini açıqlayıb

“Microsoft”un qurucusu Bill Qeyts şirkətin əsas səhvini açıqlayıb.

24/06/19
“Raspberry Pi” minikompüterinin yeni modeli təqdim olunub

Böyük Britaniyanın “Raspberry Pi Foundation” şirkəti populyar “Raspberry Pi” birplatalı

24/06/19
“Huawei” ucuz smartfonlar üçün güclü prosessor təqdim edib

“Huawei” şirkəti yeni mobil qurğular üçün “Kirin 810” prosessorunu təqdim edib. Bu, tez-tez ucuz smartf

24/06/19
“Nokia” 2,5 dəfə daha çox işləmək qabiliyyətinə malik akkumulyatorlar təqdim edəcək

“Nokia” şirkəti adi müasir batareyalarla müqayisədə 2,5 dəfə daha çox işləmək qabiliyyətinə malik yeni ak

24/06/19
“Google Maps” servisində 11 milyon saxta hesab aşkarlanıb

Populyar “Google Maps” kartoqrafik servisində müxtəlif şirkətlərə məxsus minimum 11 milyon saxta hesab

24/06/19
Kometaların tədqiqi üçün üç modullu zond hazırlanır

Avropa Kosmik Agentliyi (ESA) kometaların tədqiqi üçün üç modulla təchiz edilən kosmik gəmi hazırlamağa

24/06/19
Elektron poçtda təhlükəli boşluq aşkarlanıb

“Microsoft” korporasiyası “Android” əməliyyat sistemi üçün “Outlook” proqramında boşluq aşk