12px13px15px17px
Tarix:30/07/14

Qabaqcıl texnologiyalara əsaslanan infrastruktura malik təhsil sisteminin yaradılması üçün ali məktəblərdə keçirilən təlimlər başa çatıb

Azərbaycan hökuməti “Azərbaycan Respublikasında təhsilin inkişafı üzrə Dövlət Strategiyası” sənədində Azərbaycan Respublikasında, keyfiyyət nəticələri və əhatəliliyinə görə dünya ölkələri sırasında aparıcı mövqe tutan, səriştəli müəllim və təhsil menecerlərinə, qabaqcıl texnologiyalara əsaslanan infrastruktura malik təhsil sisteminin yaradılması üçün beş strateji istiqamətdə genişmiqyaslı tədbirləri nəzərdə tutub ki, burada birinci və ikinci strateji istiqamətdən irəli gələn əsas tələblər səriştəyə əsaslanan şəxsiyyətyönlü təhsil məzmununun yaradılması və təhsil sahəsində insan resurslarının müasirləşdirilməsidir.
 
Bu tələblərdən irəli gələrək pedaqoji ali təhsil müəssisələrinin 3-cü və 4-cü kurslarında təhsil alan tələbələrə dərs deyəcək pedaqoji heyət üçün yeni kurikulumların tətbiqi üzrə təlimlərin keçirilməsi nəzərdə tutulub. 2013-2014-cü tədris ilində “Mədəd Azərbaycan” təşkilatı və Azərbaycan Respublikası Təhsil Nazirliyi tərəfindən həyata keçirilən “Ali məktəblərdə Ümumtəhsil Kurikulumunun əsasları” təlimlərindən Azərbaycanın 26 ali məktəb və filiallarından  ümumilikdə 190 pedaqoji heyət keçib.
 
Layihə rəhbəri İlahə Tağıyeva qeyd edib ki, 72 saatlıq təlimdə ali təhsil müəssisələrinin 3-cü və 4-cü kurslarında təhsil alan tələbələrə dərs deyəcək pedaqoji heyət müasir təhsil fəlsəfəsi, təhsildə dövlət siyasəti, təhsil islahatları, fənn kurikulumlarının məzmunu, təlim strategiyaları, ümumtəhsil sistemində yeni qiymətləndirmə mexanizmlərinin tətbiqi üzrə vacib məlumatlar əldə edib, həmçinin bu istiqamətdə praktik bacarıqlara yiyələniblər. Bakı, Sumqayıt, Gəncə və Naxçıvan şəhərlərində yerləşən 7 təlim mərkəzində (11 qrupda)  24 iyun tarixindən etibarən başlayan təlimlər 19 iyul tarixində başa çatıb.
 
 Təlimin son günü, Bakı, Gəncə və Naxçıvan şəhərlərində təlimdən keçən pedaqoji heyət üçün imtahan keçirilib. İmtahana nəzarət üçün Azərbaycan Respublikası Təhsil Nazirliyi və “Mədəd Azərbaycan” təşkilatından nümayəndələr də cəlb olunub.
 
 
 
Həqiqət İSABALAYEVA



Baxış sayı: 559

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024