İKT

Tarix:16/08/14

Azərbaycanın işgüzar dairələri Deli şəhərində keçiriləcək Hindistanın İKT şousuna dəvət olunurlar

12-13 fevral 2015-ci il tarixlərində Hindistanın Deli şəhərində Hindistanın İKT şousu (“INDIA IT SHOW 2015”) təşkil olunacaq.

Azərbaycanda fəaliyyət göstərən sahibkarlar və işgüzar dairələr tədbirdə iştiraka dəvət olunur. Bu barədə Azərbaycanda İxracın və İnvestisiyaların Təşviqi Fondundan (AZPROMO) məlumat verilib.

Sərgi-konfransda yeniliklər və dünya təcrübəsi, o cümlədən böyük məlumat bazalarının idarəolunması, bulud texnologiyaları, “Elektron hökumət”, mobil tətbiq həlləri, elektron təhlükəsizlik, bank, maliyyə, sığorta, telekommunikasiya, elektron idarəetmə və s. istiqamətlər üzrə İT məhsul və həlləri təqdim olunacaq.

Həmçinin “INDIA IT SHOW 2015”də qlobal texnologiya bazarının inkişafı üzrə “B2B” görüşlərinin keçirilməsi də nəzərdə tutulur.

Həqiqət İSABALAYEVA

Baxış sayı: 1035