İNTERNET

Tarix:25/08/14

“NAVITEL” Azərbaycan və Türkiyə xəritələrinin yeni versiyalarını yaradıb

“Navitel Naviqator 9.1” istifadəçilərinə Türkiyə, Qafqaz və Cənubi Asiya xəritələrinin Q2 2014 yenilənməsi təqdim edilib.

Yeni relizin xəritələri 875945 kilometr yol qarfı, 1238 042 POI, 58629 şəhər və yaşayış məntəqəsindən, onlardan 28932-si ünvan axtarışlıdı və küçə-yol şəbəkəsindən ibarətdir. Xəritələrdə yolların, tıxacların və marşrutların vizual təsviri yaxşılaşdırılıb. Ünvan məlumatlarına düzəlişlər və dəqiqləşdirmələr əlavə edilib, döngə qadağası işarələrində qeyri-dəqiqliklər düzəldilib. Xəritədə əks olunan bütün metropoliten stansiyalarının loqotipləri və məlumatları yenilənib.

Azərbaycanın yeni xəritəsi 29426 kilometr yol qrafından, 25 211 POI (point of interest) məlumat bazasından ibarətdir. Ünvan axtarışında 51 min unikal ünvan saxlanılır. Xəritədə 4313 şəhər və yaşayış məntəqəsi əks olunub, onlardan 45-i küçə-yol şəbəkəsi ilə və ünvan axtarışı ilə verilib.

Bütün ölkələrin xəritələrinə ünvan axtarışlı şəhərlər yaşayış və sənaye məntəqələri, yolun nəqlindən asılı olaraq bütün küçə və yolları nəzərdə tutan ətraflı yol şəbəkəsi daxil edilib. Q2 2014 relizinin xəritələri yalnız “Navitel Naviqator 9.1.0.0” və daha yuxarı versiyaları ilə işləyir. Əlavəni https://itunes.apple.com/ru/app/id560079717 internet ünvanından yükləmək olar.

Aynur Vəliyeva

Baxış sayı: 974